ಯುಗಾದಿ - ೨೦೨೧

 ಈ ಸಂವತ್ಸರ ಪ್ಲವ

ನೀಗಲಿ ಎಲ್ಲರ ಭವ |

ಹಿಂದೆ ಬಿಟ್ಟು ಮಹಾಮಾರಿ

ಹರುಷ ಬರಲಿ ಮತ್ತೊಂದು ಬಾರಿ |

ಆಗಲಿ ಇದು ಆರೋಗ್ಯ ತರುವ ಯುಗದ ಆದಿ

ಎಲ್ಲರಿಗೂ ಹಾರೈಸುವೆ ನವ ಯುಗಾದಿ |

ಬಾ ಮಳೆಯೇ ಬಾ

 ಕಾದಿಹೆ ಮಳೆಯ ಒಂದು ಹನಿಗಾಗಿ

ಕಾದಿಹೆ ನಿನ್ನ ಒಂದು ದನಿಗಾಗಿ |

ತುಸು ದೂರ ಹೋಗಿರುವೆ

ತುಸು ಹೊತ್ತು ಮರೆಯಾಗಿರುವೆ |

ನಿನ್ನ ಕರೆತರಲು ಇಗೋ ನನ್ನ ಕೂಗು

'ದೂರ' ನಿನಗೆ ಸರಿಯೆ ಎಂದು ನೀನೇ ಒಮ್ಮೆ ತೂಗು |

ಸಾಕಿನ್ನು ವಿರಹ

ಬಾ ಬೇಗ ಸನಿಹ |

ಕಾದಿಹೆ ಮಳೆಯ ಒಂದು ಹನಿಗಾಗಿ

ಕಾದಿಹೆ ನಿನ್ನ ಒಂದು ದನಿಗಾಗಿ |

ಮತ್ತೆ ಹುಟ್ಟಿದೆ

ಅಮ್ಮನ ಪಟ್ಟ ಅರಸಿ ಬರುತಿರೆ

ಮತ್ತೆ ಹುಟ್ಟಿದೆ ನೀನು |

ಇಂದಿನ ನಾಳೆಗೆ ನಾಳೆಯ ಇಂದಿಗೆ

ಕಾತರದೆ ಕಾದಿಹೆ ನಾನು |

ಶುಭಗಲಿ ನಿನಗೆ 

ಎಂದಿನಂತೆ ಎಂದೆಂದೂ |

ಹಿರಿಯರ ಹಿರಿತನ

ಸಿರಿಯರ ಸಿರಿತನ

ದೊರೆಯ ದೊರೆತನ

ನಿನ್ನಲ್ಲಿರಲಿ ಕೊನೆತನ |

ಮಿನುಗುತಾರೆಯ ಹೊಳಪು

ಯುಗ ಕಳೆದಂತೆ ಹೆಚ್ಚಿಸಲಿ

ಈ ಹೊಳಪು ಜಗದಿ

ಎಲ್ಲರೆದೆಯ ಮೆಚ್ಚಿಸಲಿ ||

ಯುಗಾದಿ - 2017

ಮತ್ತೆ ಬಂತು ಹೊಸ ಸಂವತ್ಸರ
ಮುನ್ನುಗ್ಗಿಸಲು ಕುಗ್ಗಿಸಿ ತಾತ್ಸಾರ
ಹೊಸ ಬೆಳಕು ಕಾಣಲಿ ಎಲ್ಲರ ಜೀವನದಿ
ಹರಿಯಲ್ಲಿ ಎಲ್ಲೆಲ್ಲೂ ಹರುಷದ ನದಿ

ಹುಟ್ಟು ಹಬ್ಬದ ಶುಭಾಶಯಗಳು

ಮರಳಿ ಬರಲಿ ಈ ದಿನ
ನೂರು ಕಾಲ
ಇರಲಿ ಎಲ್ಲ ಸುದಿನ
ನೂರು ಕಾಲ ||

ಚಿಮ್ಮಲಿ ನಿನ್ನ ನಗೆ
ಎಂದೆಂದಿಗೂ
ದುಃಖ ಬರದಿರಲಿ
ಇನ್ನೆಂದಿಗೂ ||

ನನ್ನೆಲ್ಲ ಹಾರೈಕೆ
ನಿನಗಾಗಿ ಇಂದು
ನಗು ನಗುತ ನೀ ಬಾಳು
ಇಂದು ಎಂದೆಂದು ||

ಹಾರೈಸ ಬನ್ನಿ

ಸಹೃದಯಗಳ ಸಮ್ಮಿಲನದ ಸಂಭ್ರಮಕೆ
ಮೆರಗುನೀಡಲು ಬಂದಿರುವ ಹಿತಚಿಂತಕರೆ
ಹಾರೈಸ ಬನ್ನಿ ಈ ಜೋಡಿಯ ಸಂತಸಕೆ

ಮುಂದೇಳು ಜನುಮದಲಿ
ಜೊತೆಯಾಗಿ ನಾವಿರಲಿ
ಎಂಬ ಹಾರೈಕೆ ನಿಮ್ಮದಾಗಲಿ

ಕಷ್ಟದ ತೆಪ್ಪದಲಿ
ಇಷ್ಟದ ತೇರಿನಲಿ
ನಾವೆಂದೂ ಜೊತೆಗಿರಲಿ
ಎಂಬ ಹಾರೈಕೆ ನಿಮ್ಮದಾಗಲಿ

ಇಂದಿರುವ ಸಂತಸವು
ವೃದ್ಧಿಸಲಿ ಕ್ಷಣ-ಕ್ಷಣವು
ಮುಂಬರುವ ಸಂತಸವು
ಇರಲಿರಲಿ ಅನುದಿನವು
ಎಂಬ ಹಾರೈಕೆ ನಿಮ್ಮದಾಗಲಿ

ನನ್ನ ಹುಡುಗಿ

ಬೆಳಕಿನ ಹಾದಿಯ ರಂಗೇರಿಸಲು
ಅಂದದ ಮನೆಯ ಚಂದವ ಹೆಚ್ಚಿಸಲು
ಬರುತಿಹಳೆನ್ನ ಹೃದಯದ ಅರಸಿ
ಇರುವೆನು ಜೊತೆಗೆ ಎಂದು ಹರಸಿ

ರಾಜ್ಯೋತ್ಸವ - ೨೦೧೫

ದಸರಾ ವಿಶೇಷ ನಾಡಿನಲಿ
ತಿಂದು ತೇಗಿ ಹಾಡಿ ನಲಿ |
ವರುಷದಿ ಒಮ್ಮೆ ಬರುವುದು
ನಮ್ಮ ಕನ್ನಡ ರಾಜ್ಯೋತ್ಸವ |
ಹರುಷವು ಎಲ್ಲೆಡೆ ಸುರಿವುದು
ಕಂಡರೆ ಕನ್ನಡಾಂಬೆಯ ಉತ್ಸವ ||

ವಿಶೇಷತೆ

ಈ ಬಾನಲ್ಲಿ ನೀನು ಒಂಟಿ ಹಕ್ಕಿ
ಆದರೆ ಅಳಲಾರೆ ನೀ ಬಿಕ್ಕಿ ಬಿಕ್ಕಿ ||
ಎಂದೆಂದೂ ಒಂಟಿ ಆ ಚುಕ್ಕಿ ಈ ಚುಕ್ಕಿ
ಬಳಲದಿರು ನೀ ಕೊಂಚ ಸೊಕ್ಕಿ ||

ಸವಿನೆನಪು

ಎಲ್ಲರಂತೆ ನೀನೊಂದು ಮೀನು
ಮಿಂಚುವೆ ಎಲ್ಲರಿಗೂ ಮಿಗಿಲು ನೀನು ||
ಬಾರದದು ಮನಸ್ಸಿಗೆ ಗೂನು
ರಂಜಿಸುತಿರೆ ಎಂದೆಂದಿಗೂ ನೀನು ||