ಹಾರೈಕೆ

ವಯಸ್ಸು ನಿಮ್ಮದು ಹಾಕಿಸುವುದು ಕೇಕೆ
ಗಮನ ಕೊಟ್ಟು ಓದಿ, ಎಲ್ಲೂ ಜಾರದಿರಿ ಜೋಕೆ
ಮುನ್ನುಗ್ಗಲು ಯತ್ನಿಸು ನೀ, ಕಾಲೆಳೆದರೂ ಆಕೆ-ಈಕೆ
ವಟ್ಟಿನಲ್ಲಿ ಎಲ್ಲರಿಗೂ ಒಳ್ಳೆಯದಾಗಲಿ ಎಂಬುದೇ ನನ್ನ ಹಾರೈಕೆ |

ಕೊಲೆ

ಹಗಲಲ್ಲೂ ಕಾಣುವ ಬೆಳದಿಂಗಳ ಬಾಲೆ
ತಪ್ಪದೆ ಬರುವೆ, ತೆರೆದಿರು ನಿನ್ನ ಹೃದಯ ಶಾಲೆ |
ಇದು ಅಲ್ಲ ಬಾರಿ ಚಿಕ್ಕ ಪಿಕ್ಕ ಓಲೆ
ನಿಜವಾಗಿ ಆಗಿದೆ ನನ್ನ ಮನದ ಶಾಂತಾ ಅಲೆಯ ಕೊಲೆ |

ಹುಬ್ಬಳ್ಳಿ - ಧಾರವಾಡ

ಹೊಟೇಲಿನಲ್ಲಿ ಇರುವಂತೆ ಇಡ್ಲಿ - ವಡಾ
ಕರ್ನಾಟಕಕ್ಕೆ ಬೇಕು ಹುಬ್ಬಳ್ಳಿ - ಧಾರವಾಡ
ತುಂಬಿದರೆ ತುಳುಕದು ಯಾವುದೇ ಕೊಡ
ಹೀಗೆಯೇ ನಮ್ಮ ಹುಬ್ಬಳ್ಳಿ - ಧಾರವಾಡ ||

ಬರುವಾದಂತೆ ಹುಬ್ಬಲ್ಲಿಗೂ IT
ಎಲ್ಲರೂ ಹೊಡೆದರು ಜೋರಾಗಿ ಸೀಟಿ
ಊರಿಗೆಲ್ಲ ಖುಷಿಯಿಂದ ಕುಡಿಸಿದರು
Computer ಕಳಿಸಿದರು ಮಕ್ಕಳಿಗೆ ಕೊಟ್ಟು ಪೇಣೆ - ಪಾಟಿ ||

ಹೊಸೂರಿನಲ್ಲಿ ಟ್ರಾಫಿಕ್ ಲೈಟ್
ಚೆನ್ನಮ್ಮ ವೃತ್ತದಲ್ಲಿ ಟ್ರಾಫಿಕ್ ಟೈಟ್
ಮೊದಲು ಹೋಗಲು ಎಲ್ಲರಿಗೂ ಫೈಟ್
ಗಾಡಿ ಹೋಗಲು ಪೊಲೀಸ್ ಹೇಳಬೇಕು ರೈಟ್ ರೈಟ್ ||

ಬಂದು ನೋಡಿ ಹುಬ್ಬಳ್ಳಿ - ಧಾರವಾಡ
ಸವಿಯ ಬನ್ನಿ ಸುಪ್ರಸಿದ್ಧ ಧಾರವಾಡ ಪೇಡ
ಇಲ್ಲಿ ಸಿಗುವದು ಅತ್ತ್ಯುತ್ತಮ ಪೇಡಾ
ತಿಂದರೆ ಮೇಲೆ ಕುಡಿಯಬೆಕಿಲ್ಲ ಸೋಡಾ ||

ಕನಸೋ ನನಸೋ!?

ಬಂದು ನಿಂತೆ ನೀ ನನ್ನ ಕಣ್ಣ ಮುಂದೆ,
ಮಾತನಾಡಿ ಬೆರಗು ಮಾಡಿ ಮಾಯವಾದೆ!
ಸ್ವಪ್ನದಿ ಕಂಡಂತೆ ನಾ ಬಿಸಿಲುಕುದುರೆ,
ಮರುಕ್ಷಣವೇ ಬರಿದಾಯ್ತೆನ್ನ ಹೃದಯ ಸೆರೆ.

ಪ್ರಥಮ ಭೇಟಿ

ಮನದಾಳದ ಮಾತು
ಹೊಳೆಯಾಗಿ ಹರಿದಂತೆ,
ಕಲ್ಪನೆಯ ಕಾರಂಜಿ
ಛಲ್ಲೆಂದು ಚಿಮ್ಮಿದಂತೆ,
ಬಂದಿರುವೆ ಕಣ್ಮುಂದೆ
ಓ ಕನಸಿನ .. ದೇವತೆ,
ಖುಷಿಯಿಂದ ಹೊರ ಹೊಮ್ಮದೆ
ಒಂದು ಚಿಕ್ಕ ಕವಿತೆ?

ಯುಗಾದಿ 2014

ಜಯಿಸಲಿ ಧರ್ಮ ಎಂದಿನಂತೆ
ಭಾರತಿಯ ನಯನ ಅರಳಲಿ
ಕಾಣಲಿ ಹೊನ್ನ ಕಮಲದಂತೆ
ಒಮ್ಮನಸ್ಸಿನ ಒಗ್ಗಟ್ಟು ಜಯ ತರಲಿ

ಆದಿ ಕಾಲದಿ ನಡೆದು ಬಂದಿಹ
ಸೃಷ್ಟಿಕರ್ತನ ಲೀಲೆ ಇದು,
ದೂರದಿಂದಲಿ ನಡೆದುಬಂದಿಹ
ಅಲ್ಪನ ಕಣ್ಣಿಗೆ ಹಬ್ಬವಿದು!

ಹೊಸ ಜಾಗ

ಬಂದು ನಿಂತ ವೇಳೆ
ಮೊಳಗಿತು ಸು-ಕಹಳೆ
ಗುಡುಗಿ, ಬಿದ್ದಿತು ಮಳೆ
ಕೊಚ್ಚೇ ಹೋಯಿತಿ ಬಹುದಿನಗಳ ಕೊಳೆ !!

ಅಂತರಂಗದ ಅಳಲು

ಕುಂದುತಿದೆ ದೇಶದ ರಾಜಕೀಯ
ಆಳುವನೇ ಮತ್ತೆ ಪರಕೀಯ |?
ಕಾಣುತಿಹೆ ನಾ ಕಳ್ಳರ
ನೋಡುತಿಹೆ ನಾ ಸುಳ್ಳರ |
ಬಾಡುತಿದೆ ನಾಡು
ನಶಿಸುತಿವೆ ಕಾಡು |
ಭಾರತ ಮಾತೆಯು ಅಳುತಿಹಳು
ಶಾಂತಿ ಸೌಹಾರ್ದವ ಬೇಡುತಿಹಳು |
ಏನು ಮಾಡಲಿ ತಿಳಿಯದಾಗಿದೆ,
.
.
.
ಬಾಡಿ ಹೋದ ಬಳ್ಳಿಯಿಂದ ಹೂ ಅರಳಬಲ್ಲದೆ??

ಚೇತನಕ್ಕೆ ಕೋರಿಕೆ

ಓ ಬೆಳಕೆ, ಮರಳಿ ಬಾ ಎಲ್ಲ ಎಲ್ಲೆ ಮೀರಿ
ತೋರು ಬಾ ನೀ ಮುಂದಿನ ದಾರಿ |
ಅಂಜಿಕೆ ನನ್ನ ಎಂದಿನ ವೈರಿ
ತೇರನು ಏರಿ, ನಗುವನು ಬೀರಿ
ಸೆಳೆಯಲು ಬಾ . . . ಚಿತ್ತ ಚೋರಿ ||

ಅಮ್ಮ

ತೊದಲಿದರೂ ಮೊದಲಿಗೆ ನುಡಿವ ಶಬ್ದ
ಕೇಳದಿರೆ ಆ ಶಬ್ದ, ತತ್‌ಕ್ಷಣ ಈ ಜಗ ಸ್ತಬ್ಧ !
ಮುಖ ನೋಡದಿರೆ ಏನು ನಷ್ಟ
ಆ ಸುಖ ನೋಡುವುದು ನನಗೆ ಇಷ್ಟ ||

ಇಟ್ಟಾಗ ಮೊದಲ ಅಂಬೆಗಾಲು
ನುಡಿದಾಗ ಮೊದಲ ತೊದಲ ಸಾಲು
ಚಿಮ್ಮುವುದು ನಿನ್ನ ಮುಖಕಮಲದಿ ಹೊನ್ನಗೆ
ಮೂಡುವುದು ಮುಗುಳ್ನಗೆ, ಕಂಡಾಗ ನಮ್ಮ ಆಟ ಬಗೆ-ಬಗೆ ||

ಆಗುವೆ ಏಳುವಾಗಿನ ಕೋಳಿ, ಮಲಗುವಾಗಿನ ಲಾಲಿ
ಓಡುವೆ ಜೊತೆ ಜೊತೆಗೆ ಮೈಲಿ ಮೈಲಿ |
ತೋರುವೆ ಸಿಟ್ಟು, ಕೊಡುವೆ ಏಟು
ಮಾಡದಿರೆನು ಬೊಟ್ಟು, ತಿಳಿದು ಅದರ ಗುಟ್ಟು ||

ಗುಟ್ಟು ರಟ್ಟಾದಾಗಲೆ ನಿನ್ನ ಏಳಿಗೆ
ಅವಳದೇ ಆದರ್ಶ ನಿನ್ನ ಬಾಳಿಗೆ |
ದೊಡ್ಡವರಾದೊಡೆ ಓಡದಿರು ದೂರ
ನೀನೆಂದೂ ಅವಳಿಗೆ 'ಪುಟ್ಟ ಪೋರ' ||